დღის ახალი ამბები:
ხუთშაბათი, 2017-06-15
აქცია სახალხო აფთიაქში!
ხუთშაბათი, 2017-06-01
სახალხო აფთიაქი გილოცავთ ბავშვთა დაცვის საერთაშორისო დღეს!
ჩვენს შესახებ

კომპანია „სახალხო აფთიაქი“ დაფუძნდა 2004 წელს.

კომპანიის საქმიანობის ძირითადი მიმართულებებია:
  • მედიკამენტების, ბიოლოგიურად აქტიური დანამატების, სამედიცინო დანიშნულების და ბავშვის ჰიგიენის საშუალებების საცალო რეალიზაცია, აფთიაქების ქსელის მეშვეობით, რომელიც წარმოდგენილია 43 აფთიაქის სახით და მუშაობს თბილისსა და ქვეყნის სხვადასხვა რეგიონში
  • მედიკამენტების და სამედიცინო დანიშნულების საგნებით ქვეყნის მასშტაბით ჰოსპიტალური სექტორის მომარაგება

  • მედიკამენტების და ბიოლოგიურად აქტიური დანამატების საბითუმო რეალიზაცია/განაწილება ქვეყნის მასშტაბით მოქმედი ფარმაცევტულ ქსელებსა და აფთიაქებზე.
    კომპანია „სახალხო აფთიაქი“  მოსახლეობას სთავაზობს მომსახურებას საქართველოს მასშტაბით - აქცენტით რეგიონებზე, სამედიცინო პროდუქციის მრავალფეროვან ასორტიმენტს, ბავშვთა კვებას, სამკურნალო კვებას და პროფილაქტიკურ პროდუქტებს, სამკურნალო დანიშნულების ნატურალური წარმოშობის ფართო ასორტიმენტს და მაღალკვალიფიციურ მომსახურებას. ჩვენი ერთ-ერთი მთავარი მიზანია მომხმარებელს მივაწოდოთ მაღალი ხარისხის პროდუქცია, მინიმალურ  საბაზრო  ფასად,  პროფესიული რჩევების თანხლებით.
     „სახალხო აფთიაქის“ ქსელში გაერთიანებულია 43 აფთიაქი. კომპანიის ფილიალები განლაგებულია სხვადასხვა რეგიონებში მათ შორის  ძნელად მისადგომ ტერიტორიულ ადგილებში. კომპანიაში დასაქმებულია 300-მდე თანამშრომელი.
    ჩვენი მიზანია, რომ შევთავაზოთ მომხმარებლებს ხარისხიანი პროდუქციის ფართო ასორტიმენტი, მისაღები/ხელმისაწვდომი ფასები და მაღალკვალიფიციური, საიმედო ფარმაცევტის მომსახურება. ასევე  შევქმნათ ჩვენს ქსელში სასიამოვნო, ბუნებრივი გარემო.

ისტორია

ფარმაცევტული კომპანია „სახალხო აფთიაქი“  დაარსდა 2004 წელს. „სახალხო აფთიაქს“  აქვს საკუთარი სადისტრიბუციო ცენტრალური გამანაწილებელი საწყობი, რომელიც ფუნქციონირებს  ფარმაცევტული ბაზრის საერთაშორისო სტანდარტების შესაბამისად.

2005 წლიდან კომპანიამ დაიწყო  მედიკამენტებისა და სამედიცინო დანიშნულების საგნების იმპორტი. გადაიდგა პირველი სერიოზული ნაბიჯები ქსელის გაფართოების კუთხით - თბილისში, ქუთაისსა და რუსთავში ამოქმედდა „სახალხო აფთიაქის“ ფილიალები.

2007 წლიდან მკაფიოდ განსაზღვრული სტრატეგიის განხორციელებით კომპანიამ მნიშვნელოვან წინსვლას მიაღწია. გაიხსნა აფთიაქები თბილისში და საქართველოს სხვადასხვა ქალაქებში. კომპანიას აქვს ექსკლუზიური ხელშეკრულება ინგლისურ ფარმაცევტულ კომპანია „ვიტაბიოტიკსთან“, რომლის მიერ წარმოებული მედიკამენტები დიდი პოპულარობით იყიდება „სახალხო აფთიაქის“ ქსელში და ადგილობრივ ფარმაცევტულ კომპანიათა ქსელებში.

2011 წელს „სახალხო აფთიაქის“ 50% საწესდებო კაპიტალის მფლობელი ხდება  „ჯიპიაი ჰოლდინი“  რომელიც ევროპის ერთ-ერთი უმსხვილესი სადაზღვევო კომპანიის, „ვენის სადაზღვევო ჯგუფის“ წევრია და ლიდერი ქართულ სადაზღვევო ბაზარზე. ასევე თანაშრომლობს  დაზღვევის საერთაშორისო კომპანია „ირაოსთან“, რომელიც არის „ვენის სადაზღვევო ჯგუფის“ წევრი. ამასთანავე სახალხო აფთიაქის პარტნიორები არიან სხვა სადაზღვევო კომპანიები, მათ შორის არქიმედეს გლობალ ჯორჯია, ტაო, აი-სი ჯგუფი, უნისონი და სხვა.  სახალხო აფთიაქი აქტიურად არის ჩაბმული სოციალური დაზღვევის სახელმწიფო პროგრამაში და ამ პროგრამის ფარგლებში, სახელმწიფოს მიერ დადგენილი ნუსხის მიხედვით, უზრუნველყოფს  დაზღვეულებს მედიკამენტებით. ასევე ჰოსპიტალურ სექტორს ამარაგებს მედიკამენტების და სამედიცინო დანიშნულების საგნებით. მათ შორის  „ჯიპიაი ჰოლდინგის“   შვილობილ  კომპანია „ჯეოჰოსპიტალსს“  რომელიც საქართველოს 16 რაიონში  ოპერირებას უწევს საავადმყოფოებს, ამბულატორიებს (მათ შორის სოფლის), სამშობიარო სახლებს, ალდაგი-ბისიაის შვილობილ კომპანია „ჩოკს“, არქიმედეს კლინიკას და სხვა ჰოსპიტალურ ქსელებს.

2012 წელს „სახალხო აფთიაქმა“ დაიწყო სტრუქტურული ცვლილებები. კომპანიის შიგნით დაიწყო ახალი მენეჯმენტის შექმნა, განხორციელდა ბრენდინგი, დაინერგა ახალი კომუნიკაციების სისტემა, აქტიურად ხდება ახალი პროდუქტებისა და მომსახურების განვითარება, ხორციელდება ინოვაციური პროგრამები პარტნიორ კლინიკებთან და სხვა.

2012 წელს „სახალხო აფთიაქმა“ გახსნა 11 ახალი აფთიაქი საქართველოს მასშტაბით, მათ შორის 7 აფთიაქი – ძნელად მისადგომ ადგილებში: ცაგერი, დაბა სტეფანწიმინდა, წალკა, თეთრიწყარო, თიანეთი, ხარაგაული.