მიმდინარეობს საიტის განახლება..

Under Construction

დღის ახალი ამბები:
სამშაბათი, 2018-06-05

ხუთშაბათი, 2017-06-15
აქცია სახალხო აფთიაქში!
ძვალ-სახსრების დაავადების დროს
ზრდასრული ადამიანის ორგანიზმი დაახლოებით 1200გ. კალციუმს შეიცავს. აქედან 99%–ს ძვლოვანი ქსოვილი შეიცავს.
მოზრდილი ადამიანის ძვლოვანი ქსოვილის ცვლილება მუდმივად მიმდინარეობს. 35 წლის
შემდეგ იწყება ძვლოვანი მასის კარგვის პერიოდი. თავიდან ეს პროცესი უმნიშვნელოა და უდრის
ძვლოვანი მასის 0,3-0.5%-ს წელიწადში. ქალებში მენოპაუზის დროს ეს პროცესი ჩქარდება და 2-3% აღწევს წელიწადში. ამ პროცესების შედეგად მთლიანობაში იცვლება ძვლის აგებულება და
იგი ხდება უფრო მყიფე. როდესაც სისხლში კალციუმის დონე ქვეითდება, სპეციფიკური ჰორმონის მონაწილეობით ხდება კალციუმის წყალში ხსნადი მარილების წარმოქმნა და მისი ძვლებიდან ,,სისხლში“ გადმოსვლა, რაც შესაბამისად, იწვევს ძვლების სიმკვრივის დაქვეითებას.

ოსტეოპოროზი დაავადებაა, რომელსაც ახასიათებს ძვლების სიმკვრივის შემცირება,
ძვლები ხდება უფრო მყიფე, რაც მოტეხილობების განვითარებას იწვევს.
ოსტეოროპოზის რისკის ქვეშ იმყოფება თითქმის ყველა ქალი ასაკით 35-40 წლის ზევით.
ოსტეოპოროზისათვის დამახასიათებელია წლობით უსიმპტომოდ პროგრესირება და ძვლების ნელი ტემპით ,,განლევა“.
ოსტეოპოროზის განვითარების ძირითადი მიზეზი არის ქალებში სასქესო ჰორმონის-ესტროგენის უკამრისობა. ესტროგენები მონაწილეობს ძვლოვანი ქსოვილის ფორმირებაში.
მენოპაუზის დროს ესტროგენების შემცველობა ორგანიზმში მცირდება, რის გამოც ძვლები ხდება მყიფე და ადვილად ვითარდება მოტეხილობა, განსაკუთრებით ხშირია ბარძაყის ძვლის ყელის მოტეხილობა.
ოსტეოპოროზის ერთ–ერთი სამწუხარო შედეგი ის არის, რომ ძალიან აუარესებს ავადმყოფის ცხოვრების ხარისხს.

ოსტეოპოროზის განვითარების რისკ-ფაქტორებია: მდედრობითი სქესი, ნაადრევი მენოპაუზა, მენსტრუაციის გვიანი დაწყება, უშვილობა, გენეტიკური თავისებურება - სხეულის მცირე მასა, ღია ფერის კანი, ცხოვრების სტილი - მცირე ან ზედმეტი ფიზიკური აქტივობა, კვების თავისებურება (მცირე რაოდენობით კალციუმის შემცველი საკვები, ხორცის, მარილისა და ყავის დიდი რაოდენობით მიღება), გარკვეული დაავადებების არსებობა და ზოგიერთი მედიკამენტის მიღება.




ოსტეოპოროზის გამოვლინება

აღნაგობის ცვლილება - სიმაღლეში დაკლება, ზურგის მომრგვალება, მუცლის წინ წამოწევა, ზურგის არეში ტკივილის ეპიზოდები, ადვილად დაღლა და ყრუ ტკივილები ერთსა და იმავე პოზაში დგომისას.